لمّا يزيد البروتين عن حدّو

لكل أصحاب العضلات ومحبي الجيم، اسمعوا منيح هالخبر.

ما في شك إنو البروتين عنصر غذائي أساسي لبناء العضلات وتعزيز الصحة العامة، بس خبرا التغذية حذّروا من إنو الإفراط بتناولو لفترات طويلة، ممكن يأدي لعواقب صحّية كبيرة.

فتناول كميات عالية من البروتين، سواء من مصادر حيوانية أو مكملات غذائية، مرتبط بعدّة آثار جانبية خطيرة بتشمل: إجهاد الكلى، الجفاف ومشاكل توازن الإلكتروليت، اضطرابات الجهاز الهضمي، إرتفاع خطر الإصابة ببعض الأمراض المزمنة خصوصة اضطرابات القلب والأوعية الدموية، وبأثّر على توازن الكالسيوم بالجسم المرتبط بصحة العظام.

كما إنو ممكن يأدي لزيادة الوزن، لأنو وعلى الرغم من مساعدتو بحرق الدهون، فالكمية الكبيرة منّو ممكن تزيد السعرات الحرارية.

يعني تناول البروتين بكميات معتدلة بتتناسب مع النشاط البدني والحالة الصحية، بيبقى آمن وفعّال… ومتل ما بقول المتل “إذا زاد الشي عن حدّو انقلب ضدّو”.