بعد 6 سنوات... مُقدّمة برامج تُغادر الـ"OTV": صار وقت الوداع

أعلنت ميرابيل عيد مُقدّمة برنامج "شو الك وشو عليك" عبر الـ"otv"، أنّها قرّرت مُغادرة القناة، بعد 6 سنوات من تقديم البرنامج.

ووجّهت عيد رسالة إلى متابعيها، وقالت عبر حسابها على "انستغرام":

"بعد ٦ سنين على شاشة الotv
… صار وقت الوداع.

من ٦ سنين طليّت عليكن مذيعة لـ “شو الك وشو عليك”... كبرت قدّام الكاميرا، واكتسبت خبرة كبيرة بعالم التلفزيون والإعلام… والأهم، بنيت علاقة حقيقية مع جمهور حقيقي بفتخر فيه.

واليوم، حسّيت إنو من واجبي وضّح غيابي، وودّع هالفصل بالطريقة اللي بتليق فيه… وبكل شخص كان جزء منه.

بهالمشوار تعرّفت على ضيوف من اختصاصات مختلفة، كوّنت صداقات، بنيت علاقات، واكتسبت خبرات ومعارف رح تبقى معي وين ما رحت… بشغلي، ببيتي، بعيلتي، وخصوصي بأرشيفي و بمسيرتي المهنية!

ممتنة لكل فريق عمل، لكل زميل، لكل ضيف، ولكل شخص آمن فيّي .

متحمّسة أكتر من أي وقت لفرص جديدة ناطرتني، ومأكدة هالبرنامج رح يبقى بأيادٍ أمينة.

البرنامج مكمّل أكيد… وأنا كمان مكمّلة، بتحديات جديدة، وبأحلام أكبر.

وبختم بالجملة اللي اتعوّدتوا تسمعوها منّي…
“شكرًا لحسن المتابعة…” والى اللقاء!"