تُوفِيَ قبل 11 عاماً في حادث سير... وسام بريدي يستذكر شقيقه عصام: الله يرحمك يا أحلى خي
استذكر الإعلامي وسام بريدي، شقيقه الراحل الممثل عصام بريدي، الذي توفي قبل 11 عاماً، في حادث سير مروّع.
وكتب وسام عبر حسابه على "انستغرام":
"الأحد ١٢ أبريل ٢٠١٥…
١١ سنة اليوم، نفس التاريخ… نفس النهار… أحد الرحمة.
اليوم مش مجرد ذكرى.
هو نفس الشعور اللي بيرجع كل سنة وكأنه أول مرة.
نفس الفراغ، نفس الصدمة، نفس السؤال اللي ما لقيت له جواب.
هيدا اليوم مش بس فقدت شخص، فقدت جزء مني، من قلبي، من حياتي.
١١ سنة مرّت…
والناس بتقول “الوقت بيشفي”…
بس في أشياء ما بتشفى، بس بنتعلم كيف نعيش معها.
أصعب إحساس، إنك تكون محاط بالناس، بس من جواك وحيد،
لأن في حدا ناقص.
وبنفس الوقت، رغم الوجع، رغم الغياب، بآمن إن الله ما بيعمل شي من دون هدف، وإنو كل وجع إلو معنى حتى لو كان موجع لهالدرجة.
اليوم هو دعاء، هو اشتياق، هو وعد إني ضل عايش بطريقة بتشبهك، وبتفخر فيها.
الله يرحمك يا احلى خي
رح تضل معي، بكل خطوة، بكل لحظة، بكل نفس".
انضم إلى قناتنا الإخبارية على واتساب
تابع آخر الأخبار والمستجدات العاجلة مباشرة عبر قناتنا الإخبارية على واتساب. كن أول من يعرف الأحداث المهمة.
انضم الآن| شاركنا رأيك في التعليقات | |||
| تابعونا على وسائل التواصل | |||
| Youtube | Google News | ||
|---|---|---|---|
